ஆரோக்கியமான உணவுகளை உட்கொள்வோம், மகிழ்ச்சிகரமாக வாழ்வோம்" எனும் தொனிப்பொருளில் கல்முனை ஸாஹிரா தேசியக் கல்லூரியில் நிகழ்வு

 

(அஸ்ஹர் இப்றாஹிம்)

கல்முனை ஸாஹிரா தேசியக் கல்லூரி தரம் 7  மாணவர்கள்    "ஆரோக்கியமான உணவுகளை உட்கொள்வோம்,   மகிழ்ச்சிகரமாக  வாழ்வோம்"  எனும் தொனிப்பொருளில் நிகழ்வொன்றினை ஒழுங்கு செய்திருந்தனர்.

கல்லூரி அதிபர் எம்.ஐ.ஜாபிர் அவர்களின் வழிகாட்டலில்  தரம் 7 பகுதித் தலைவர் ஏ.எல்.எம்.ஹக்கீம் தலைமையில்  வகுப்பாசிரியர்கள், பாட ஆசிரியர்கள்,  மற்றும் மாணவர்களின் பங்களிப்புடன் இடம்பெற்ற மேற்படி நிகழ்வில்   கல்லூரி முதல்வர் எம்.ஐ.ஜாபிர் பிரதம அதிதியாகவும்,  வைத்தியர்களான டாக்டர் .ஸனூஸ் காரியப்பர்,  டாக்டர் ஏ.எல்.பாறூக்,  டாக்டர்.எம்.என்.எம்.தில்ஸான் ஆகியோர் கெளரவ அதிதிகளாகவும் , 

பாடசாலையின் பிரதி அதிபர்கள், உதவி அதிபர்கள் கலந்து சிறப்பித்தனர்.

இந்நிகழ்வின் சிறப்புரைகளை வைத்தியர்கள் மிகவும் பயனுள்ள வகையில்   மாணவர்களுக்கு முன்வைத்தார்கள். 

ஆரோக்கியமான உணவுகளை உட்கொள்வதின் முக்கியத்துவத்தையும் உடன் உணவுகளை (Fast Food) உட்கொள்வதின் பிரதிகூலங்களும் மாணவர்களுக்கு  தெளிவு படுத்தப்பட்டது.

இந்நிகழ்வில் தரம் 7 மாணவர்களுக்கும் மற்றும் அனைத்து ஆசிரியர்களுக்கும் இலைக்கஞ்சி வழங்கப்பட்டதுடன் ஆரோக்கியமான உணவுகளும் பரிமாறப்பட்டது