கல்முனை மாநகரில் நேற்று சிறப்பாக இடம்பெற்ற சந்தான ஈஸ்வரர் ஆலய கொடியேற்றம் !

 

( வி.ரி. சகாதேவராஜா)

வரலாற்று பிரசித்திபெற்ற கல்முனை 

மாநகர் வளர் கௌரி அம்பிகை உடனுறை சந்தான ஈஸ்வரர் தேவஸ்தான  வருடாந்த மகோற்சவத் திருவிழாவின்  கொடியேற்றம், நேற்று  (01)  செவ்வாய்க்கிழமை    சுபமுகூர்த்த வேளையில் சிறப்பாக நடைபெற்றது .

கொடியேற்றத்திருவிழா , மகோற்சவபிரதம குருவான யாழ்ப்பாணம் வாமதேவ சிவாச்சாரியார் சிவஸ்ரீ சி. குககணேசக் குருக்கள்,  ஆலய பிரதம குரு சிவஸ்ரீ ஸ்ரீராமச்சந்திர தவசீலக் குருக்கள் முன்னிலையில் ஏனைய சிவாச்சாரியார்கள் சகிதம் நடாத்தினார்.

கொடியேற்றத்துடன் ஆரம்பமாகிய இம் மகோற்சவம் தொடர்ந்து பத்து நாட்கள் பகல் இரவுத்திருவிழாக்களா நடைபெற்று 11ஆம் தேதி வெள்ளிக்கிழமை தேரோட்டம் இடம்பெற்று மறுநாள் 12-ம் தேதி சனிக்கிழமை காலை தீத்தோற்சவத்துடன் நிறைவடையும் என்று ஆலய அறங்காவலர் சபைத் தலைவர் வேலாயுதபிள்ளை செவ்வேட்குமரன் ( பிரபல தமிழ் ஆசிரியர் ) தெரிவித்தார் .

கொடியேற்றத்திருவிழாவில் பெருந்திரளான பக்தர்கள் கலந்து கொண்டனர்